NLB Prishtina shpërndau certifikatat, për studentët e Fakultetit Ekonomik në Universitetin AAB Riinvest

Në Unversitetin AAB – Riinvest u shpëndanë certifikatat për studentët e Fakultetit Ekonomik të cilët kanë përfunduar punën praktike në NLB Prishtina.

 

Ceremoninë e shpërndarjes së certifikatave e hapi rektori i Universitetit AAB – Riinvest, Dr.Urosh Lipuscek. Ai shprehu kënaqësinë të jetë në mesin e studentëve që kanë treguar sukses gjatë qëndrimit në NLB Prishtina. “Ky është një argument që nesër ju të jeni pjesë kësaj banke dhe shpresoj se do të ketë vend për të gjithë studentët e suksesshëm” shtoi ai.

Certifikatat u shpërndanë nga Drejtori Gjeneral i NLB Prishtinës, Albert Lumezi, i cili gjithashtu tha fjalë të mira për studentët dhe stafin mësimdhënës të Universitetit AAB –Riinvest. “Me qëndrimin e studentëve në bankën tonë jemi vërtetuar se stafi mësimdhënës i Universitetit AAB - Riinvest ka përgatitë studentë me një dituri të duhur dhe mendoj se edhe puna praktike në NLB Prishtina ka përmbushur pjesën tjetër të dijes së studentëve” tha Lumezi.

 

Studentët, të kënaqur me vlerësimin pozitiv që morrën nga ana e NLB Prishtinës, falënderuan të dy institucionet për mbështetje dhe kontribut ndaj tyre.

Bashkë me studentët edhe dekanati i Fakultetit Ekonomik në Universitetin AAB – Riinvest i cili vazhdimisht është pranë studentëve të saj, shprehu kënaqësinë që një bashkëpunim i tillë me NLB Prishtina të vazhdojë edhe në të ardhmen.


U mbajt debat për procesin e decentralizimit me Pieter Feith dhe Sadri Feratin


Në Universitetin AAB – Riinvest qëndruan sot z.Pieter Feith, shef i Zyrës Civile Ndërkombëtare dhe z.Sadri Ferati, Ministër i Administrimit të Pushtetit Lokal, të cilët ishin panelistë në debatin e mbajtur në lidhje me procesin e decentralizimit, i organizuar nga Universiteti AAB – Riinvest dhe ICO.


Fillimisht e mori fjalën Rektori i Universitetit AAB – Riinvest, Dr.Uros Lipuscek i cili falenderoi të ftuarit për ardhjen e tyre. Ai tha se tema për të cilën do të flitet sot është element shumë i rëndësishëm jo vetëm për Kosovën por për të gjitha shtetet demokratike.

 

z. Feith dhe z. Ferati diskutuan më hollësisht rreh procesit të decentralizimit duke folur për ecurinë dhe rëndësinë e tij. z.Feith tha se decentralizimi është një proces që fokusohet tek qytetarët dhe synon një qeverisje të mirë, shërbime dhe kushte të mira jetese për të gjithë qytetarët e Kosovës. “Procesi i Decentralizimit ka rëndësi të veçantë në ndërtimin e shtetit të Kosovës” shtoi z. Feith.

 

Nga ana tjetër Ministri i Administrimit dhe Pushtetit Lokal, Sadri Ferati ka thënë se lufta për territore ka përfunduar. Ai ka ftuar Beogradin dhe strukturat ekstremiste, siç i ka quajtur ai, që mos të tentojnë ta pengojnë këtë proces.

 

Si çdo herë tjetër, pas përfunditmit të diskutimit të dy të ftuarve, u hap debat rreth temës, me ç’rast të pranishmit shtruan pyetje për panelistët.

Pas përfudimit të debatit, z. Pieter Feith dhe z.Sadri Ferati vizituan kampusin e Universitetit AAB – Riinvest.

 

Universiteti AAB – Riinvest po vazhdon traditën e tij duke u bërë kështu pikëtakim për trajtimin e çështjeve të rëndësishme për të ardhmen e Kosovës.

Universiteti AAB – Riinvest merr pjesë në Panairin e 11 –të, të librit 'Prishtina 2009'


Në Pallatin e Kulturës, Rinisë dhe Sportit në Prishtinë, sot, në orën 18:00 do të hapet edicioni i 11-të i Panairit të Librit “Prishtina 2009” që është organizuar nga Shoqata e Botuesve të Kosovës.

Në këtë panair do të marrin pjesë rreth 100 shtëpi botuese nga Shqipëria, Kosova, Maqedonia, Evropa dhe Amerika, me ç’rast në mesin e tyre do të jetë pjesëmarrës edhe Universiteti AAB – Riinvest.

Universiteti AAB – Riinvest do të marrë pjesë me më shumë se 30 tituj nga lëmi të ndryshme, kryesisht botime të vitit të fundit akademik. Vlen të theksohet se në këndin e Universiteti AAB-Riinvest, do të gjejnë vend edhe dy numrat e Revistës Shkencore Ndërkombëtare “Thesis Kosova”, për të cilën është treguar intersim shumë i madh.

Gjithashtu, të gjitha botimet e Universitetit AAB-Riinvest, do t’ i ofrohen lexuesit me çmim më të volitshëm, që do të jetë lehtësim për pasurimin e bibliotekës së tyre shkencore e akademike.

Hapja Solemne e Panarit të 11 –të do të bëhet nga Presidenti i Republikës së Kosovës, Fatmir Sejdiu.

Dashamirët e librit do të kenë mundësinë të jenë pranë një numri të madh librash, botime të reja nga shumë lëmi.

Panairi do të jetë i hapur nga data 3 Qershor deri më 7 Qershor 2009.

Afati i provimeve të QERSHORIT 2008-09

Të nderuar studentë, afati i QERSHORIT 2008/09, tashmë është gati, prandaj ju njoftojmë se: Paraqitja e provimeve do të bëhet nga data 25 Maj 2009 – 04 Qershor 2009. Mbajtja e provimeve do të fillojë ... më shumë

Lajmet & Ngjarjet

Kompania “JUB” nga Sllovenia, prezantoi produktet e saj në Universitetin AAB Riinvest Kompania JUB, e ftuar nga Dekani i Fakultetit të Arteve dhe drejtuesi i Instituti për Projektime Arkitektonike në Universitetin AAB – Riinvest “A Design”, Bujar Demjaha, prezantoi produktet e saj para studentëve, profesorëve dhe arkitektëve në Universitetin AAB Riinvest. Hapjen e këtij prezantimi e bëri rektori i Universitetit AAB - Riinvest, Dr.Uros Lipuscek, i cili këtë prezantim e cilësoi si shumë të rëndësishëm. Ai tha se në këtë mënyrë Fakulteti i Arteve në Universitetin AAB - Riinvest po krijon lidhje të reja me industri të ndryshme. Puna praktike në Raiffeisen Bank – i bën pjesë të kësaj banke, katër nga studentët e Universitetit AAB-Riinvest Në një nga konkurset e hapura për punë javë më parë nga Raiffeisen Bank, studenetët e Fakultetit Ekonomik në Universitetn AAB – Riinvest: Allden Pajaziti, Edona Azemi, Valon Voca dhe Sevdije Azemi kanë arritur t’i përmbushin kërkesat e kësaj banke për punë... Njoftim – Orarin e konsultimeve për afatin e provimeve të Qershorit e gjeni në linkun “Orari i Provimeve” Njoftojmë të gjithë studentët e Fakultetit Ekonomik në Universitetin AAB – Riinvest të cilët i janë nënshtruar provimeve të afatit të Qershorit 2008/09, se orarin e konsultimeve për provimet e mbajtura mund ta shkarkojnë duke klikuar mbi linkun “Orari i Provimeve” dhe nënlinkun “Fakulteti Ekonomik”. Njoftim – Provimi nga Lënda “Elementet e Metodikës M1 dhe M2” mbahet më 25.06.2009 Njoftohen studentët e vitit të tretë të Fakultetit të Arteve Figurative, Departamenti – Dizajn Grafik dhe Pikturë, se provimi nga lënda “Elementet e Metodikës M1 dhe M2”, Mr.Art.Hajrush Fazliu, do të mbahet ditën e enjte më 25 Qershor 2009, nga ora 10:00. Kompania “Grand Hotel Prishtina” shpërndau certifikata, për studentët e Fakultetit Ekonomik të Universitetit AAB - Riinvest Studentët e Fakultetit Ekonomik të Universitetit AAB – Riinvest u kurorëzuan me certifikata nga Kompania “Grand Hotel Prishtina” duke shënuar kështu përfundimin e punës praktike në këtë kompani. Ambasadori Zviceran në Kosovë, z.Lukas Beglinger mbajti ligjëratë të hapur në Universitetin AAB – Riinvest Në Universitetin AAB – Riinvest qëndroi sot dhe mbajti ligjëratë, z.Lukas Beglinger, Ambasdori i Zvicrës në Kosovë. Tema që ligjëroi ishte “Ekonomia Zvicerane me disa referime në Ekonominë e Kosovës dhe Mardhëniet Ekonomike Bilaterale”.

Për Studentët

3 Korrik 2009

Ballina